College student patay sa hazing, 8 arestado

197
Davao City – Padayon nga giimbestigahan sa Mandug Police Station (PS) ang hazing incident nga nahitabo sa Purok Sto. Niño, Sison Village, Upper Mandug, Buhangin District, Davao City niadtong Dominggo (September 18, 2022) diin usa ka 19 anyos nga lalake ang namatay.

Sa interbyu sa DXDC RMN Davao kang Patrolman Marcenito Gurnot sa Mandug PS, gisaysay niini ila gilayong girespondehan ang insidente human kini gi-report sa usa ka concern citizen sa Central 911.

Ang biktimang namatay nailang si August Ceasar Saplot, 19 anyos, 4th year Criminology student sa University of Mindanao (UM) nga usa ka bag-ong recruit, diin matud pa kalit kining mi-collapse human gipailawom sa initiation rites.

Sa pagreponde sa kapulisan, ilang nadakpan ang walo ka mga miyembro sa AKRHO Alpha Delta Chapter fraternity. Samtang unom usab ang nakaikyas.

“Upon sa pagresponde, pag-adto sa atong gador didto, on board didto ang grupo. Ni-surrender atong fraternity. Pagkahuman, nakita didto ang maong patay’ng lawas sa kadtong recruit nila. Duha ilang (gipailawom sa initiation). Ang isa survivor, naka-survive. Gi-hold pa diri sa (presinto) kay kuhaan og testimony,” saysay ni Gurnot.

Sa report sa Police Regional Office (PRO)-XI, ang naarestong suspek nga mag-atubang sa kasong paglapas sa Republic Act 8049 or the Anti-Hazing Law mao ang musunod:



a. Jeremiah Obedencia Moya;
b. Leji Wensdy Ofecio Quibuyen;
c. John Lloyd Garciano Sumagang;
d. Harold Joshua Sagaral Flauta;
e. John Steven Baltazar Silvosa;
f. Ramel John Potenciano Gamo;
g. Gilbert Escodero Asoy, Jr; ug
h. Roseller Andres Gaentano.

Kagahapong adlawa (September 19, 2022), nagpagula og official statement ang University of Mindanao (UM) sa ilang pagkondena sa krimen kung asa pipila sa involved sa hazing mao ang mga 4th year students gikan sa College of Criminal Justice Education maong unibersidad.

“In the light of the on-going investigations, UM strongly condemns the senseless and deplorable incident in the highest possible consternation and dismay, as the university is also offering its unqualified grief to the victims’ families,” tipik sa official statement sa eskwelahan.

RadyoMaN Kirby Manzon

Facebook Comments