Gihimo sa grupo sa Apercu Consultants, Inc. sa Provincial Government of Bukidnon (PGB) ang Information, Education and Communication (IEC) sa Environmental and Social Impact Assessment (ESIA) alang sa sugyot nga rehabillitasyon sa Pulangi IV Hydroelectric Power Plant (HEPP) Projects, didto sa PPDO Conference Room, Capitol Compound, syudad sa Malaybalay niadtong Disyembre 7, 2020.
Sa presentation ni Ms. Imee Tatel sa Apercu Consultants, Inc. gipadayag niini ang pinaka-seryoso nga kabalaka alang sa maong proyekto mao ang heavy siltation sa Pulangi IV nga nakapaminus sa active storage gikan sa 67 Million Cubic Meter (MCM) nga nikunhod sa 22.76 MCM sa tuig 2019.
Ang sugyot nga rehabilitasyon gilangkuban kini sa tulo ka mga pili-anan nga pamaagi nga mao ang mosunod: 1. Rehabilitation to restore the rated capacity of the plants, extend their operating life and ensure the safety of the power complex; 2. Option 1 plus additional measures to increase the capacity through efficiency improvements of the generating units without major changes to the existing civil works and embedded parts; 3. Option 2 plus all additional measures to increase the capacity of the plants through increased water availability as a consequence of the removal (or reduction) of discharge constraints.
Ang Pulangi IV HEPP kasamtangang nag-operate nga runoff river plant, nga kabahin sa Agus-Pulangi Hydropower Complex (APHC) nga gidumala sa National Power Corporation (NPC) dinhi sa Mindanao, kung aha nahimutang sa syudad sa Valencia, ug mga lungsod sa Maramag ug Quezon, probinsya sa Bukidnon. Ang Pulangi Watershed, ikaduha nga pinakadakong watershed sa nasud nga adunay kinatibuk-ang kaluagon sa 1.8 million hectares diin mga nag-unang tributaries niini mao ang Nabalintungan (Kulaman) River Watershed, Kitanglad-Manupali Watershed, Sawaga Watershed, ug Tigwa Watershed.
Gilauman usab nga i-presenta kang Governor Jose Ma. R. Zubiri, Jr., ang maong IEC program sa umalabot nga panahon aron hingpit nga masuportahan ug maduso ang maong sugyot nga rehabilitasyon sa Pulangi IV HEPP.
