Grupo sang Anti – Mining sa Socsargen nagpanawagan nga ikansela ang FTAA renewal sang SMI.

Ginpanawagan sang grupo sang Anti- Mining sa Socsargen Region ang pagkansela sang Financial and Technical Assistance Agreement ukon (FTAA) renewal sang Sagitarruis Mines Incorporated ukon SMI para sa ila nga Tampakan- Copper Gold Project kadungan sang ginpatigayon nga The Season of Creation, A call to action forum nga gin-organisa sang Social Action sang Diocese of Marbel kag Convergence of Initiatives for Environmental Justice.
Ginhatagan punto sang mga ini nga unahon ang proteksyon sang katawhan sa lugar indi ang pagmina.
Una na nga ginapamatukan sang simbahan kag pipila pa ka environment advocates ang Tampakan Copper Gold Project sa diin magagamit sang open pit mining method nga hugot nga ginaban sa South Cotabato.
Nahibaluan nga may ginfile man nga kaso ang SMI kag tribal groups batok sa Provincial Government sang South Cotabato nga nagakwestyon sa ban sang open pit mining sa probinsya kag magapadayon suno pa ang operasyon bisan may ban.
May-angot sini, sa mensahe ni Bishop Cerilo Casicas sang Diocese of Marbel ginpahayag niya nga indi pwede pahanugutan ang nasambit nga mining operation tungod may-yara ini sang matuga nga destruction amo nga kinahanglan nga maghulag ang grupo sang Anti-Mining bisan gamay lang ang numero agud pamatukan ini.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>