Target sang Philippine Veterinary Medical Association ukon PVMA National kag sa bulig sang PVMA Western Visayas Chapter, Department of Agriculture Regional Field Office 6 kag Iloilo City Veterinarian nga makahanas sang dugang nga mga beterinaryo agud mapasangkad ang ila kapasidad sa pagkapon kag pag-ligate sang mga ido kag kuring.
Suno kay Dr. Joy Santos, sang PVMA- National Chapter, libre ang ila training sa mga veterinarian agud mapadasig ang ila ikasangkol sa pag- spay kag neuter sang mga ido kag kuring.
Magaserbe man ini nga kick off activity sang PVMA National Convention sa syudad sa Pebrero 20- 22 sa Iloilo Convention Center.
Kadungan sang training may libre man nga pagkapon kag pag-ligate sang mga kuring kag ido sa apat ka mga barangays kag ang katapusan nila nga sudlon ang barangay San Juan, Molo subong nga adlaw.
Target nila nga maka-operate sang libre sa 200 ka mga kuring kag ido.
Una na nila nga ginbisitahan ang Brgy. Calaparan kag Sto. Nino, Arevalo kag Calumpang sa distrito sang Molo.
Panugyan ni Santos, hingalitan ini nga higayun bangud kun sa apribado dal-on ang hinuptanan, magagasto sila sang gikan sa P3,000 tubtob sa P5,000.00 kada operation.
