General Santos City–Nagtapok atubangan sa Plaza Heneral Santos kagahapong adlawa ang grupong Gabriela SOCKSARGEN atol sa selebrasyon Sa International Women’s Month dili aron mag selebrar sanglit aron sa pagpasibaw sa ilahang mga yangongo batok sa administrasyong Duterte tungod matud pa sa pag abi-abi niini sa mga kababainhan.
Sumala pa ni Therisa Rafael ang focal person sa Gabriela SOCKSARGEN nga nahiubus matud pa sila kang president Duterte tungod sa iyang mga binuhatan hilabi na ang daw sa wala pagrespeto niini sa mga kababainhan.
Dugang pa niini nga daghan man unta ug balaud alang sa proteksyon sa mga kababainhan apan mismong ang presidente ang wala matud pa nagrespeto niini hinungdan nga dili matud pa moundang ang grupong Gabriela sa ilang ginahimong aron usab sa pagprotekta sa mga kababaihan.
Nanawagan usab ang nasangpit nga grupo nga maghiusa ang tanang Pilipino sa pag batok sa mga pagpang-abuso sa mga kababainhan aron nga maundang na kini. (Dave Silagan)
