Generl Santos city—Abli alang sa imbistigasyon ang General Santos City Police Office kabahin sa nahitabong operasyon sa city drug enforcement unit nga gikamatay sa usa ka Jan Rafael Eco, anak sa usa ka barangay kagawad sa Barangay Dadiangas South human nga misukol matud pa sa kapulisan.
Sumala pa ni Police Senior Supt Romeo Ruel Berango, Gensan City PNP Director nga abli sila sa unsa mang imbistigasyon sa bisan unsa nga organisasyon aron nga mapatud-an nga usa ka lihitimong operasyon ang gibuhat sa iyahang mga sakop nga myembro sa city CDEU.
Gipaniguro usab ni Ps/Supt Berango nga walay angay kabalak-an ang katawhan nga basig mahulog sa wala ang maong kaso tungod kay wala matud pay gina tago ang kapulisan.
Dugang pa niini nga misubay matud pa sa proseso ang iyahang sakop sa gipahigayong operasyon ug wala gituyo ug patay ang target, samtang na sabtan usab ni Col. Berango ang ginikanan sa ilahang target nga magduda ug mukwestyon sa gihimong operasyon sa kapulisan. (Dave Silagan)
