General Santos City— Abli ang Gensan City Police Office sa unsa mang imbestigasyon nga pagahimuon hilabina sa mga kanhing operasyon batok druga nga ilahang gihimo.
Sumala kang Police Senior Superintendent Romeo Ruel Berango, acting City Director sa GSCPO nga hugot ang mandato kanila sa higher headquarters nga tutukan ang tanang mga kaso sa ilahang mga area of responsibility.
Pagpaklaro niya nga sila sa kapulisan ang abli nga ipakita sa publiko ang tanang mga case folder gawas nalang sa mga kaso sa adunay mga sensitibong impormasyon dili pwede makit-an sa katawhan.
Nanawagan man usab si Col. Berango sa katawhan nga dili ibasol sa kapulisan o sa gobyerno mismo kung adunay mga namatay nga nahilambigit sa illegal nga aktibidad. Sumala niya nga mas maayong ipaagi sa saktoing proseso ang imbestigasyon ayha muhatag ug unsa mang komento sa mga sensitibong kaso.
Gihingusgan man usab niya nga ang human rights advocate lang ang nagsulting adunay kaso sa extra juducial killings sa nasud apan kinahanglan matud pa nga kini pamatud-an.
