*General Santos City— Aminado ang pamuuan sa Gensan City Police Office nga nagataas ang kaso sa pagpanghold-up sa dakbayan sa Gensan rason nga gihatagan na matud pa ug direktiba ng tanang hepe sa kapulisan nga kini tutukan.*
*Sumala kang Police Major Rexor Canoy, tigpamaba sa GSCPO nga bisan pa man ug aduna nay mga nadakpan ug napatay nga mga suspek sa pagpamusil, pabilin gihapon nga nagataas ang maong krimen.*
*Apan gipaniguro niya nga padayon ang kapulisan sa pagtutuk sa mga tulis ug kawat sa dkabayan hilabina nga padulong ang bulan sa Disyembre.*
*Dugang pamahayag ni Police Major Canoy nga nauna ng nabungkag ang grupong responsible sa pagpanulis sa area sa police station 4.*
*Sa karon, ilaha pang ginasuta kung unsa nga mga grupo ang responsable sa mga pagpanulis sa uban pang parte sa dakbayan ug iyahang gipaniguro nga sa dili madugay, sila madakpan gihapon.*
*Pagpaklaro niya nga wala naga-tulog ang han-ay sa kapulisan hilabina sa pagbantay sa iguridad sa katawhan.*
*Kalabot niini, gibiutyag ni Police Major Canoy nga matag tuig gyud naga-taas ang kaso sa kawat, tulis ug uban pang street crimes kung asa ilaha matud pang ginasuta kung unsa ang mga hinungdan niini.*
*Pamahayag niya nga bisan ug adunay mga kaso sa pagpang-hold up ang maresolba sa kapulisan, padayon ang ilahang imbestigasyon aron masayran kung usa lang ka grupo ang naga-lihukan sa dakbayan.*
*Dako man usab ang iyahang pagpasalamat nga adunay kooperasyon ang katawhan ngadto na sa kapulisan nga dakong tabang alang kanila.*
