Gscpo dili mag duha-duha sa pagsikop sa mosupak sa quarantine protocol

General Santos City–Dili mag duha-duha ang General Santos City Police Office sa pag dakop sa mga Patience Under Monitoring (PUM) higayon nga mosupak sila sa gipakanaog nga protocol sa DOH kabahin na sa pag self quarantine sa mga tawo nga gikan sa mga lugar nga apektado sa COVID 19.

Sumala pa si Police Lieutenant Renato Dungca ang tigpamaba sa General Santos City Police Office nga nalakip matud pa sa mga guidelines sa gipakanaog nga executive order ni Gensan City Mayor Ronnel Rivera hinungdan nga tanang mosupak niini ang sikopon sa kapulisan ug ang City Legal Office na ang mag determina kung unsa ang kasong ipasang-at ngadto sa mga madakpan.

Apan gipaklaro ni Lieutenant Dungca nga ang DOH gihapon ang makadetermina kung si kinsa ang mga tawo nga mamahimong ipailawom sa PUM ug sila usab ang manguna sa pagsikop sa mga nahisgutan.


Higayon nga magpabuyag gyud ang mga gikonsiderang PUM dinhi na mangayo ug tabang sa kapulisan ang DOH aron nga sila na maoy mag-emplementar sa gipatumang balaod.(Dave Silagan)

Facebook Comments