General Santos City— Gihagit ni Gensan City Councilor Atty. Franklin Gacal Jr. Chairman sa Committee On Peace And Order si Police Senior Superintendent Raul Supiter, Acting City Director sa Gensan City Police Office nga ipa-undang ang operasyon sa tolendoy sa dakbayan sulod sa 24 oras.
Sumala niya nga walay rason si Col. Supiter aron nga dili mapa-undang ang operasyon sa tolendoy gumikan iyaha ng gihatag nga mga pangalan sa mga lambigit o nagpaluyo niini nga mao silang Larry Arisgado, usa ka alyas Fred nga sumala pa retired army, Yul Alvarez ug Ronie Panagis nga responsable sa video karera.
Pagpaklaro niini nga nasayud ang mga opisyal sa kapulisan lakip ang mga Chief Of Police kung si kinsa ang mga nagapaluyo sa tolendoy ingon man kung asa kini nahimutang.
Samtang sa kabahin ni Police Senior Superintendent Raul Supiter, gibutyag niini nga dili superhero ang kapulisan nga mapa-undang gilayon ang operasyon sa tolendoy.
Apan andam matud pa sila nga maghimo ug mga pamaagi aron nga kini mapa0unadang ug mapalikay ang mga kabataan sa maong bisyo nga maoy nag-unang target sa maong padula.
Dili man usab kumbinsido si Kag. Gacal sa nahimong tubag ni Col. Supiter gumikan dili matud pa niya madawat ang rason nga dili daling mapa-undang ang tolendoy.
Kung asa anaa na matud pa kang Col. Supiter ang listahan sa mga pangalan mga nagpaluyo niini kung asa aduna pay usa ka aktibong pulis apan iyahang gibutyag nga dili kini opisyal.
