General Snatos City–Hugot ang ginahimong emplimentasyon karon sa General Santos City Police Office sa curfew dinhi sa syudad subay usab sa Executive Order nga gipakanaog ni Gensan City Mayor Ronel Rivera nga nagtumong aron nga mapugngan nga makasulod ang covid 19 sa syudad.
Sumala pa ni Police Col. Aden Lagradante ang City PNP Director sa General Santos City Police Office nga nahimong nagmalinawon matud pa ang ilang gipahigayon nga curfew apan aminado ang opisyal nga adunay pipila ka mga tawo nga wala pa nasayod nga adunay emplementasyon niini.
Gani aduna pa silay nakita nga nag-abli gihapon nga mga estableshemento nga 24 ka oras ang operation permit apan ilaha na matud pang gihinay-hinayan ug pahibalo ang mga nahisgutan.
Samtang ang LGU Gensan ang nagatabang na sad ug pahibalo sa mga nanag-iya ug estableshemento nga may 24 hours operation kalabutan sa ginapatuman karon nga curfew.
Dugang pa ni Col. Lagradante nga sa mga musunod nga adlaw ilaha na gyud nga ipatuman ang mando sa LGU ngadto sa mga negosyo nga musupak niini, samtang aminado usab ang opisyal nga ma-apektohan gayud ang mga negosyo sa gabie tungod sa curfew.(Dave Silagan)
