General Santos City–Kanunay matud pa nga andam ang General Santos City Police Office nga mag-secure sa tibuok syudad panahon sa selebrasyon sa pasko ug bag-ong tuig mao kini ang nahimong pamahayag ni Police Major Rexor Canoy, ang tigpamaba sa GSCPO.
Sumala pa niini nga matag tuig kining ginahimo sa kapulisan ug uban pang force multiplier nga siguruong dili malutsan ug dautang elemento ang syudad aron nga dili mabulabog ang pag selebrar sa mga Generals sa holiday season.
Dugang pa niini nga sa kasamtangan nagpaabot pa sila ug direktiba gikan sa higher headquarters kung makansela ba ang mga Christmas ug new years break sa mga pulis.
Apan gipaklaro ni Major Canoy nga naandan na matud pa sa kapulisan nga ginahatagan sila ug break panahon sa holiday season aron maka-uban usab ug selebrar ang ilahang pamilya apan bisan sila leave gikinahanglan gihapon nila mo-adto sa pinakaduol nga Police Station sa ilahang lugar aron nga magreport ug mag bantay sa kahapsay ug kalinaw.(Dave Silagan)
