General Santos City–Nagpatawag ug emergency meeting si Police Senior
Supt. Romeo Ruel Berango, city director sa General Santos City Police
Office (GSCPO) sa tanan niini nga mga Chief Of Police human matud pa
nga maka alarma na ang pag kuyanap sa mga “SUKARAP” (Children In
Conflict With The Law) dinhi sa syudad sa Gensan.
Sumala pa ni Col. Berango nga basi matud pa sa report kaniya sa Women
Child Protection Desk (WCPD) nga nagkadaku na ang gikalimbigitan nga
krimen sa mga minor de edad sama nalang sa pagpanghold-up ug pag patay
sama nalang sa nahitabo niadtong milabay nga simana nga adunay
naglambigit nga mga minor sa pagpatay sa usa ka langayaw.
Dugang pa ni Berango nga tungod sa maong mga panghitabo gikinahanglan
matud pa nila nga e-focus ang ilahang atensyon sa pagpakgang niing
problema sa sukarap.
Giangkon man si Col. Berango nga maglisud gayud ang kapulisan sa pag
pagkang sa mga nasangpit tungod sa kakulangon sa ilahang ihap ug sa
balaod nga nag protektar sa mga minor de edad. (Dave Silagan)
