General Santos City–Hugtanon na karon ang ginahimong pagpangandam sa kapulisan sa syudad alang sa umaabot nga kalag-kalag karong Nobyembre 1 ug 2 kung asa gilauman nga mudagsa ang mga tao sa mga sementeryo aron nga mubisita sa ilahang mitaliwan nga mga minahal sa kinabuhi.
Sumala pa ni Police Lieutenant Col. Glenford Alberto ang Deputy City Director For Operation sa Gensan Cityy Police Office, nakapahigayon na sila ug inisyal nga conference meeting kabahin na sa ilahang ginahimong pagpangandam kauban ang labaw sa City Housing nga si Mary Ann Bacar aron sa pag han-ay sa siguridad sa pampublikong sementeryo ning syudad.
Dugang pa ni Alberto nga halos wala may nabag-o sa ilahang ilatag nga seguridad sa undas.
Gipresenta usab sa mga COP sa mga police stations nga dunay sementeryo sa ilahang area ang ilahang mga security plans ug gamay nalang matud pa kaayo ang kinahanglan aron nga masapinal kini.
Samtang magsugod matud pa ang pagbutang ug mga personahe sa kapulisan sa mga sementeryo sa October 31 ug sila magpabilin sa sementeryo hangtud nga wala nay mga tawio nga mobisita sa mga sementeryo sa syudad.(Dave Silagan)
