General Santos City–luyo paman sa hugot nga siguridad nga gipatuman sa General Santos City Police Office sa kinatibuk-ang syudad panahon sa simana santa aduna gihapoy mga insidente sa pag pangawat nga natala.
Sumala pa ni P/Lt Renato Dungca ang tigpamaba sa General Santos City Police Office nga gawas sa mga nahitabong mga thief and robbery incident sa pipila ka mga subdivision sa syudad nahimo gihapong malinawon ang selebrasyon sa syudad sa simana santa.
Normal lang matud pa ang susamang mga insidente hilabi na sa susamang mga panahon tungod kay sagad mulakaw ang mga tao ug ibilin ang ilahang panimalay nga walay bantay mao nga makawatan.
Samtang bisan matud pa ug fucos ang kapulisan sa siguridad sa kinatibuk-ang syudad wala giundangan sa kapulisan ang paggukod sa mga suspek nga lambigit sa iligal nga binuhatan sam,a sa droga ug uban pa.
Sumala pa ni P/Lt Dunca nga napamatud-an na matud pa nila nga ang mga iligalista ang walay ginapili nga panahon ug naga padayon sa ilahang binuhatan hinungdan nga ang kapulisan ang wala sab mi-undang sa pag gukod kanila.
Gani dunay pipila u ka mga operasyon batok illegal drugs ug iligal nga sugal ang gipahigayon sa GSCPO kung diin aduna man usay pipila ang nasikop ug nabalhog sa bilanguan. (Dave Silagan)
