General Santos City–Generally Peaceful ang nahimong selebrasyon sa kinatibuk-ang Rehiyon 12 sa semana santa karong tuiga mao kini ang nahimong pamahayag ni P/LTC Aldrin Gonzales ang tigpamaba sa Police Regional Office-12.
Sumala pa niini nga wala silay natalang dagkong kakulian sulod sa usa ka semana nilang pagbantay sa tibuok rehiyon gawas lang sa gagmay nga mga insidente.
Mukabat sa kapin kon kulang 3 mil ka mga pulis ang gipakatag sa kinatibuk-ang rehiyon aron magsecure sa palibot.
Lakip na dinhi ang mga pulis nga gibutang sa PRO 12 sa mga sea ports, airport, mga terminal, resorts ug uban pang mga matao nga mga lugar.
Samtang wala man usab matud pa giwala sa PRO 12 ang mga pulis nga makita sa kadalanan aron nga dili matud pa makabatig kahadlok ang mga naga byahe padulong sa ilahang mga lugar. (Dave Silagan)
