General Santos City–Gikabutyag karon ni Police Major Rexor Canoy ang tigpamaba sa General Santos City Police Office nga paningkamutan nila nga mas ma-improve pa ang ilahang ilatag nga seguridad karong umaabot nga Kalilangan Festival sa Gensan.
Sumala pa niini nga na take note na nila ang ilahang mga sipyat niadtong milabay nga tuig ug mao kini ang ilahang tutukan ug sulusyon aron nga masiguro nga mamahimong epektibo ang ilahang pagbantay sa syudad sa Gensan panahon sa kalilangan.
Samtang basi usab sa inisyal nga meeting sa GSCPO uban ang Festival Director ug ubang stake holder nga muhatag ug 100 ka mga Police Intern ang Holy Trinity College ug Ramon Magsaysay Memorial Colleges aron nga mutabang sa pagbantay sa selebrasyon.
Gawas sa nahisgutan aduna naman usay naka-andam nga security plans ang GSCPO sa maong mga aktibidadis ug ilaha nalang matud pang gina finalize karon ang mga area kung asa ipahigayon ang mga activity aron nga ilahang mabutangan ug seguridad.
Gawas sa duha ka mga kolehiyo sa syudad ka-abag usab sa GSCPO ang JTF Gensan, Police Regional Office 12 ug uban pang Force Multiplier. (Dave Silagan)
