General Santos City— Padayon ang imbestigasyon sa General Santos City Police Office sa gika-ingon pagka-missing sa usa ka 19 anyos nga si Philip Bacudo duha ka semana na ang nakalabay.
Sumala kang Police Senior Superintendent Romeo Ruel Berango, acting City Director sa GSCPO nga wala sila nagapasagad sa pagpangita sa nasangpit nga batan-on kung asa iyaha na matud pang gihatagan ug derektiba ang tanang Police Station sa dakbayan nga magtabang sa pagpangita klang Philip.
Sa adlaw’ng Lunes, Nobyermbre 27, nakatakda matud pa silang mupakita sa korte aron nga tubagon ang naunang petisyon nga Writ Of Amparo nga gi-file sa pamilyang Bacudo.
Samtang sa alegasyon adunay kalambigitan ang Police Station 4, nagsubmitar na matud pa ug affidavit ang tanang mga personahe nga gipasanginlang responsable sa pagkawala sa nahisgutan kungasa basi sa pamahayag sa mga personahe sa Station 4, igo lang silang mi-responde human nga makadawat ug tawag nga adunay gi-abandona nga tricycle sa usa ka gasolinahan sa may Mabuhay Road ning dakbayan.
Paniguro niini nga walay unsa mang cover-up nga mahitabo, kung mapamatud-an nga lambigit ang nahisgutang mga pulis sa pagkawala ni Bacudo.
