General Santos City—Walay Ninja cops nga na monitor ang General Santos City Police Office sa ilahang han-ay, mao kini ang nahimong pagbutyag ni Police Major Rexor Canoy ang tigpamaba Sa General Santos City Police Office.
Sumala pa ni Major Canoy nga sa karon nag padayon pa ang ilahang intensified internal cleansing sa ilahang han-ay ug sa karon wala pa silay nadawat nga report gikan sa ilahang intelligence nga aduna silay na monitor.
Gipasiatab pa ni Canoy nga limpyo ang syudad sa mga Police Scalawags nga naglambigit sa pag baligya, gamit, recycle ug protekta sa iligal nga droga diin usa ka pamatuod niini ang resulta sa supresang drug testing sa tanang mga drug enforcement unit personnel kung asa walay bisan usa ang nag positibo sa pag gamit ug iligal nga droga.
Dugang pa ni Major Canoy nga si Col. Aden Lagradante ang City Director sa GSCPO ang hugot matud pa ag kamduan sa iyahang mga sakop nga dili gayud mag lambigit sa susamang binuhatan tungod kay walay lugar sa organisasyon sa GSCPO ang mga ninja cops.(Dave Silagan)
