Patay ang usa ka gwardya sa Sherlock Security Agency human gi-unay ug pusil sa iyang ka-relibo nga laing gwardya.Giila ang biktima nga si Rey Villamor, 34 anyus, minyu ug residenti sa Purok Panaghiusa, brgy. Agusan Pequiño ning syudad sa Butuan samtang ang suspek giila nga si Michael Lascuña, 39 anyus, minyu ug taga Purok Sari-sari, brgy. Golden Ribbon ning dakbayan. Ang duha pulos security guard sa First Standard Finance Corporation nga nahimutang sa P-1, brgy. Port Poyohon ning syudad nga ubos sa Sherlock Security Agency. Asoy pa sa suspek nga si Lascuña nga out-duty na ang biktima nga si Villamor apan imbes mouli nanghagad kini ug inom kaniya. Samtang langu na sa ilimnong makahunog kalit nalang siya’ng gisumbag sa biktima ug gihulga nga patyun pinaagi sa pag-aksyon ug dunggab kaniya maayu nalang kay nakadagan siya padulong sa guard house ug iyang gikuha ang shotgun ug giti-on sa ulo sa biktima. Sa pagtoo nga walay bala, iyang gikablit ug didto nabugha ang agtang sa biktima nga na-igu sa shotgun nga maoy hinungdan sa iyang kamatayun. Adunay pagmahay ang suspek apan ulahi na ang tanan tungod sa kasong ipasaka batok kaniya diin andam niyang atubangon ang silot sa nabuhat nga krimen. Natigayun ang insidenti bandang alas 8 kapin kon kulang kagabie Sent from my Samsung Galaxy smartphone.
