Guardia muerto na tiroteo

Muerto el guardia del Commission on Human Rights na Nunez Extrnsion despues con este ya sopla de tiro enantes aga.
Con el victima ya conose como si Ronilo Obenieta y Ramos, 37, casao, y residente de Boa, San Jose.
Si Obenieta ya sostene irida de bala na pecho y ya lleva con este na hospital pero ya dispudi suempre.
Asegun na report serca man alas 6 del aga para bolbida ya si Obenieta cuando ya llega su relevo si Jeten Saeanilo.
Mientras parao si Obenieta afuera del entrada del opesina del CHR ya subi na segundi piso si Saranillo para prepara su duty cuamdo ya oyi este tres tiro ta sale donde ta para si Obenieta.
Ya entabla si Saranillo pa afuera donde ya mira rste con Obenieta tumbao y sangrintiao ya el pecho.
Asegun con el maga testigi dos persona muntao na XRM motorsiclo ya escapa paea na Governor Camins despues del incidente.