General Santos City—Angol ang usa ka 27 anyos nga lalaki nga nailang si Renante Pag-ong, 42 anyos nga residenti sa Bagong Silang, Barangay Poblacion, Alabel, Sarangani, Province human kining gibunalan matud pa ug kahoy.
Alas 11:45 ang takna sa gabie gikan matud pa sa imnanan ang biktima ug pauli na unta sa ilang panimalay.
Samtang nagbaktas, kalit lang matud pang gibunalan ug botelya ang nasampit nga biktima sa wala pa mailhing suspetsado.
Paspas misibat ang suspek human sa insidenti samtang ang biktima gidala sa Dr. Jorge Royeca Hospital dinhi sa Gensan human nakaangkon ug samad sa iyang bukton nga bahin.
Sa karon ang biktima nagpaalim nalang sa iyang samad nga naangkon samtang padayon pa ang gihimong imbistigasyon sa Malungon municipal Police Station kalabutan sa maong insidenti.
