Davao City – Taas ang morale sa mga kasundaluhan ubos sa Eastern Mindanao Command (EastMinCom) tungod sa pagkapili ni EastMinCom commmander Lt. Gen. Rey Leonardo Guerrero isip puli ni outgoing Armed Forces of the Philippines (AFP) chief of staff Gen. Eduardo Año.
Sumala ni EastMinCom spokesperson Major Ezra Balagtey nga daan nang taas ang moral sa mga kasundaluhan apan nisamot ang kadasig sa EastMinCom gumikan kay ang ilang commander maoy mangulo na sa armadong kusog sa Pilipinas.
Matud ni Balagtey nga wala pay nigawas nga mga pangalan sa mga opisyal nga mupuli ni Lt. Gen. Guerrero ug masayran lamang kini sa adlaw nga ipahigayon ang change of command.
Gidugang ni Balagtey nga mas maayo nga ang mapuli ni Lt. Guerrero gikan gihapon sa EastMinCom aron dili na kini maglisud sa pagdumala sa kahusay ug kalinaw sa Eastern Mindanao.
RadyoMaN Erin Lumosbog
