General Santos City—sikop sa operatiba sa Philippine Drug Enforcement Agency (PDEA) regional Office-12 ang usa ka lalaki atol sa gihimong buy–bust operation sa Sitio South Sea, Brgy. San Vicente, Banga, South Cotabato alas 4:15 ang takna sa hapon kagahapong adlawa October 25, 2017.
Giila ni PDEA-12 Regional Director Gil Cesario Castro ang suspek nga si Jerson Rendon y Pacardo Alias Tivan, 31, minyo, construction worker ug residenti sa samang lugar.
Nakumpiska gikan sa suspek ang 500 grams sa pinaugang dahon sa marijuana nga dunay ginaba-banaang market value nga P 15,000.00 ug (1) ka P100 bill nga marked money.
Kasong kalapasan sa Sections 5 ug 11 sa Article II , ilawom sa Republic Act 9165 (Comprehensive Dangerous Drugs Act of 2002) ang gikatakdang ipasang-at nga kaso batok sa nahisgutang suspek kansa balhog na karon sa detention Facility sa PDEA -12
