Davao City – Mamahimong modangop sa ilang mga Guidance Counselor sa matag eskwelahan ang mga batan-ong estudyanteng nakasinati sa depresyon aron matabangan.
Sumala ni Davao City Health Office (CHO) Head Dr. Josephine Villafuerte, kinahanglan aktibo ang mga guidance counselor sa matag tulanghaan aron mo-ayuda sa mga tinun-an nga dunay mga timailhan sa depresyon ilabina kung wala mataga-i og pagtagad sa ilang mga ginikanan.
Tungod niini gihangyo ni Dr. Villafuerte ang mga ginikanan nga estoryahon ang ilang mga anak aduna man o walay problema angayan nga himoong regular ang komunikasyon aron magiyahan kanunay sila.
Gisugyot pa sa CHO Head nga kinahanglang adunay mental health activity sa school, work place, panimalay ug kabarangayan aron batukan ang depresyon.
RadyoMaN Bernard Pantallon
