Single-mom gipusil patay

269

GENERAL SANTOS CITY- Dead on arrival sa ospital ang usa ka single-mom naila sa pangalang May Sheille Garingo, 27, residente sa Purok 2, Barangay Conel, Gensan human kining gipusil sa wala pa mailhing suspek alas 8:30 ang takna Byernes sa gabie didto mismo sulod sa ilang compound.

Sa natigom nga imbestigasyon ni Patrolman Archie Napila, nasuta nga mao pay pag-abot sa biktima sa ilang compound dihang kalit kining giduol sa wala mailhing suspek dayon gipusil igo sa iyang walang bahin sa mata.
Paspas nga misibat ang suspek sakay sa naghulat nga get-away motorcycle dool sa crime scene samtang ang biktima gidala pa sa ospital apan nakabsan gihapon kini sa iyang kinabuhi.
Sumala sa uyab sa biktima nga ayha nahitabo ang pagpatay, nag-uban pa sila ni Garingo iya pa kining gihatod sa ilang balay apan nakatalikod lang siya dihang gipusil na ang nasampit.


Gibutyag usab niini nga ayha ang krimen duna nay nasulti kaniya ang biktima nga adunay dawsa nagbahad kaniya.
Nasayran nga nahimong agent kaniadto ang biktima sa usa ka investment scheme nga una nang naga-operate sa Gensan.

Sa karon ang kapulisan ginasuta pa ang motibo sa maong krimen ug ginaila pa ang suspek nga responsable niini.
For more info’s and updates, like and share our official facebook account : www.facebook.com/ifm91.9Gensanofficial/

[image: Single-mom gipusil patay.jpg]

Facebook Comments

From Advertisers