Gisiguro sa Bukidnon Police Provincial Office nga hugot nilang ipatuman ang pagpatuman ang checkpoints sa mga entry ug exit points sa probinsya.
Kini human nga gipailawom sa community quarantine ang Bukidnon pinaagi sa
EO #13, series of 2020 nga gipagula ni Governor Jose Maria Zubiri Jr.
Ilawom sa community quarantine, limitado ang lihok sa mga tawo aron mapugngan ang pakuyanap sa Coronavirus disease ko COVID 19.
Sa interview sa RMN Malaybalay ngadto kang PNP Bukidnon Provincial Director Col. Roel Lami-ing gibutyag niini nga aduna silay gipatuman nga checkpoints sa mga pasulod ug pagawas sa Bukidnon.
Sa karon nagpabilin restricted ang pagpasulod sa katawhan gawas lang sa mga:
1.Health workers 2. Authorized government officials 3. those travelling for medical or Humanitarian reasons 4. Persons transiting to other provinces for essential and authorized travel 5. Persons providing basic services and public utilities 6. Labor and workforce 7. Members of the press
Dugang ni Col. Lami-ing nga tanang sakay, pasahero ug drivers sa pampubliko ug pribadong sakyanan nga muagi sa checkpoints ipailawom sa hugot nga screening.
Dungan niini nanawagan ang provincial director sa publiko nga unta sundon sa publiko ang pahimangno sa gobyerno sama sa pagpabilin sulod sa ilang balay, batunan ang social distancing ug pagtabon sa baba kon mu-ubo aron malikay sa covid-19.
