Ginaproseso na ang pagpapauli sa Pilipinas sang bangkay sang OFW nga taga-Guimaras nga kalakip sa napatay sa explosion sa Beirut, Lebanon sang nakaligad nga Agosto 4.
Ini ang ginkumpirmar ni Jenny Sumaculob, umagad sang biktima nga si Mila Sumaculob, sang New Poblacion, Buenavista, Guimaras.
Suno kay Jenny nga ginahikutar na sang employer sang iya ugangan ang pagpapauli sang bangkay sini pabalik sa Pilipinas.
Dugang pa nga nagabulig man ang embahada sang Pilipinas sa Lebanon kag subong man ang Provincial Government sang Guimaras.
Nahibaluan nga apat ka mga OFW’s ang kumpirmado nga napatay sa explosion samtang madamo man nga OFW ang mga napilasan sa insidente.
Facebook Comments
