Gipasalamatan ni DEPED-Gensan School Division Superintendent Romelito Flores ang lokal nga panggamhanan sa syudad sa pagpanguna ni Gensan City Mayor Ronnel Rivera gumikan sa suporta niini ngadto sa DEPED-Gensan.
Usa sa mga gipasalamatan sa DEPED-Gensan ang paggahin ug pundo sa LGU nga gikan sa Special Education Fund alang sa pagpalit ug laptop ug pocket wifi alang sa mga magtutudlo.
Ang maong mga himan ang gamiton sa mga magtutudlo sa pagtudlo sa ilang mga estudyante ug uban pang gimbuhaton alayon sa bag-ong pamaagi sa pagtudlo sa mga kabataan dungan na usab sa nasinatiang pandemya sa Covid-19.
Nasayran nga mokabat sa 1000 ka unit nga laptop ug pocket wifi ang paliton, samtang mopalit usab ang dep-ed ug mga transistor radio para sa mga estudyante, ang ubang pundo gamiton alang sa uban pang mga panginahanglanon sama nalang sa papel alang sa module sa mga kabataan.
