Gulpiao si Papang

Un empleyao de govierno local ya reclama na estacion del Sta. Maria despues su esposa quien un maestra y su 17-anios de edad hijo ya empesa man talabangan conele donde ya resulta para sostene le monton de contusion na cuerpo.
El reclamante amo si Richard Manuel Hernando, 48, de edad casao.
Asegun consu reclamo, hocho anios ya sila tiene diferiencia y su esposa donde afuera ya del diila casa le ta dorme despues hinde sila ta man tupahan y su esposa porcausa ya saca este su ATM card y hinde este ta dale ni un sinco cen conele.
Del mas reciente ya precura si Richard pidi su ATM card consu esposa pero ya rabia este y derepente yan talabangan conele hasta diila solterito anac.
Porcausa con este quiere si Richard dale leccion consu esposa y pone con este adentro del calaboso.

Facebook Comments