Roxas City, Capiz- Pilason ang isa ka babaye matapos aksidente nga nahulog sa ginasakyan nga traysikol subong nga aga sa may bahin sang Brgy. Punta Tabuc, Roxas City.
Ginkilala ang biktima kay Jennifer Valbarez sang Brgy Agustin Navarra banwa sang Ivisan.
Suno sa pahayag sang driver sang traysikol nga si John Mark Dapacino y Oleo, ginasubay nila ang dalan padulong sa OJT sa Brgy Banica, Roxas City sang gulpi nga nag-apply sang preno ang ginasundan nga motorsiklo gani nga ini man ang nagpreno kabangdanan sang gulpi nga pagkahulog sang biktima nga yara nagasakay sa sidewheel nga porsyon sang traysikol.
Nag-angkon ini sang samad sa natuo nga tuhod kag palanakit sang kalawasan.
Ini naman ang gilayon nga gindala sa Roxas Memorial Provincial Hospital (RMPH) sang nagresponder nga mga katapo sang CERT.
