Pagadian City – Nagbalon og bun-og samtang nagtibi nga nagpalaban sa sibyahan sa RMN DXPR Pagadian ang 24 anyos nga babaye human gikulata kagabii sa iyang ka live-in partner nga tomboy gumikan sa selos.
Nisumbong ang biktima nga si Flordelisa Markgraf nga samtang nipauli siya sa ilang gi-abangan nga boarding house sa Purok Muslim Village, Brgy. Kawit ning syudad alas 9 sa gabii og naghisgut-hisgot sa mga higala nga lalaki niulbo sa kasuko ang iyang kaipon nga tomboy nga si Mary Jane Logatiman alyas ” Daday” og gikulata biktima.
Base sa medico legal modagan pa sa duha ka semana una maalim ang bun-og sa 24 anyos nga biktima.
Sa interview sa RMN kang Flordelisa upat ka tuig na matud pa silang nagsalo og katre og naatlan kagabii nga hubog ang iyang kaipon.
