Igapatuman ang gun ban sa siyudad sang Iloilo sa palaabuton nga paghiwat sang Dinagyang 2018.
Ginpahayag ni Iloilo City Police Office Director Sr. Supt. Henry Biñas nga nagpadala na siya sang letter request sa Campo Crame agud hingyuon kay PNP Chief Director General Ronald Dela Rosa nga suspendihon ang Permit to Carry Fire Arms outside residence sa maabot nga Dinagyang Festival sa Enero 27 kag 28.
Suno kay Biñas nga ginahulat na lamang nila ang sabat sang Campo Crame sa nasambit nga hingyo.
Katuyuan sini nga mapunggan kag matapna ang mga pumuluyo sa pagdala sang ila mga armas luthang agud malikawan ang mga krimen sa kahiwatan sang Dinagyang.
Facebook Comments
