Naglab-ot na sa 30 ka mga gun ban violators sa Western Visayas ang nadakpan sang Police Regional Office 6 sa pagpatuman sang COMELEC Gun Ban.
Sa nasambit nga numero, 10 diri ang nadakpan sa syudad sang Bacolod, 5 sa Negros Occidental, 4 sa Capiz, 4 sa probinsya sang Iloilo, 3 sa Aklan, 2 sa syudad sang Iloilo kag 2 sa Antique.
Narecover sa mga nagkaladakpan ang 28 ka armas kag 11 ka makamamatay nga hinganiban.
Angut sini, labi pa nga pabaskugon sang PRO-6 ang pagpatuman sang gun ban sa bilog nga rehiyon kasunod sang direktiba ni DILG OIC Secretary Eduardo Año natuhoy sa pagpasangkad sang checkpoint operations.
Pasangkaron man sang kapulisan ang police visibility sa mga strategic nga lugar agud mapabilin ang kalinong kag katawhay sa Western Visayas angut sa Barangay kag SK elections sa bulan sang Mayo.
