Pagadian City – NAMATAY ang usa ka gikatahapang gun-for-hire human nisulay sa pagpakigpinusilay sa kapulisan atol sa gipahigayon nga operasyon sa Pagadian City Police , 902nd Regional Mobile Force Battalion 9, Regional Intelligence Division 9, Zamboanga del Sur Provincial Police Office ug Provincial Drug Enforcement Unit.
Gipahigayon ang operasyon sa Purok Tangigue, Brgy. White Beach , dakbayan sa Pagadian niadtong nakalabay nga adlaw.
Giila ang napatay ng si Abdulnash Sumampong, 31 anyos, taga Sitio Luguimit, Margosatubig, Zamboanga del Sur og nakapuyo usab sa Brgy. Poblacion Payao, Zamboanga Sibugay.
Sa habig sa kapulisan nagkanayon nga atol sa operasyon, dihang mipaila na sila nga mga pulis, nibunot dayon si Sumampong sa iyang calibre 45 ug nakahimo pa kini sa pagpabuto hinungadan sa engkwentrohanay.
Tungod kay nakapangandam na ang kapulisan nga miresponde nakaangkon og samad pinusilan ang suspek sa lawas hinungdan sa hinanaling kamatayon.
Samtang sa tropa sa otoridad walay bisan usa nga namatay o naigo man lang.
