Last hunat sa summer: Tip para masulit ang laag karung bakasyon

Pipila nalang ka semana- mohulip na idol ang hanging habagat nga maoy sa hinay hinay mopabugnaw sa atong panahon. Tungod kay inihap naman lang ang higayon sa pag-enjoy sa summer. For sure pipila ka nato naa gyu’y mga last minute nga plano arun sa pagsulit sa init nga panahon.

Sa higayon nga makahimo kita sa pagbakasyon aniay tulo ka mga pahinumdum gikan sa gisaligan nga travel magazine sa tibuok kalibutan nga angay nga dili kalimtan sa usa ka “traveler” arun mahimong responsable ug mas ma enjoy gyud ang laag kauban ang pamilya og mga higala.

1. Pangita og “eco-friendly” accommodation: labing una nga e consider mao ang accommodation, plus factor gyud kung ang hotel nga inyong pahuwayan usa ka eco-friendly environment. Ang mapiliang hotel dapat anaay lower energy ug water use; angay nga ni-follow pud sila sa gipatuman nga recycling ug composting nga gipatuman arun sa pag reduce sa food waste.


2. Sensitibo sa kultura sa gibisita nga lugar: usa gyud kini sa labing importante nga angay i-note sa usa ka traveler, mao ang mahimong sensitibo sa kultura ug practices sa lugar nga gibisita. Anaay mga lugar nga nanginahanglan magtaptap sa nawng labi na kung mosulod ka sa ilang balay ampuanan, anaa say mga dapit nga angay ka magbinantayon kung pwede ba makakuha og hulagway sa maong dapit.

3. Suporta sa local nga produkto: syempre dili gyud mahuman ang laag kung dili magpalit og souvenir items. Labing maayo kung makapili kita og mga souvenir item gikan sa mga sentro sa komersyo sa local nga Mercado- kung diin tua nagtapok ang mga local nga tig gama sa mga produkto pinaagi sa ilang mga kamot ug talent.

Tungod kay nagsingabot naman gyud ang tingulan- mas maayong soliton gyud ang pipila ka semana nga nahabilin sa summer season kauban ang mga higala ug pamilya. Labaw sa tanan dili angay kalimtan nga luyo sa kalingawan angay pud ta idol nga mahimong sensitibo sa lugar nga atong gipili nga bisitaan.

Facebook Comments