Gun for hire sa Cebu patay sa police operation sa Butuan

Patay ang usa ka pinangita sa balaod didto sa Sugbu human kini misukol sa mga otoridad diri sa dakbayan sa Butuan sa dihang gisilbi ang Orden de Arresto.
Ang suspect naila sa pangalang si Jeffrey Caparida alyas Victor Uy, 45 anyos ug temporaryong nagpuyo sa Purok Papaya, Brgy Basag sakop diri sa among syudad sa Butuan.
Nasayran nga sa dihang gironda sa kapulisan ang payag nga gipuy-an sa suspect, nakamatikod kini nga mga otoridad ang anaa sa iyang palibot hinungdan nga mibunot kini sa iyang .38 revolver nga armas ug gipabuthan ang mga personahe sa Regional Intellegence Division sa PRO-13 ug mga sakop sa Butuan City Police Station # 4 hinungdan nga mibalos ang mga otoridad ug way swerti naigo ang suspetsado nga miresulta sa iyang hinanaling kamatayon.
Ang maong suspect nag atubang sa kasong murder human kini nakapatay ug lima ka mga sibilyan lakip na ang usa ka police didto sa lungsod sa Minglanilla sa Sugbo.
Sumala pa ni Punong Barangay Alberto Flores sa Brgy. Basag nga mokabat na sa tulo ka tuig nga nagpuyo sa iyang brgy ang maong suspetsado.
Nagpuyo kini isip yanong lumulopyo, naghandler sa manok ug dunay mga amo isip iyang panginabuhian.
Niabot kini sa iyang brgy human gidala sa iyang igsoon nga adunay amo nga nagnegosyo ug trucking services gikan sa Sebu.
Dugang sa opisyal nga nagpakita ug maayong binuhatan sa iyang brgy ang maong suspect gani aktibo kini sa simbahan ug wala magdahom si Kapitan nga pinangita diay sa balaod ang usa sa iyang mga residente ug nakurat na lamang siya kagahapong adlawa sa dihang iyang nadunggan ang balita nga adunay wanted sa balaod nga napatay sa iyang brgy.
Si Punong Barangay Alberto Flores sa Brgy. Basag sa interview sa RMN DXBC Butuan. Nakuha sa crime scene ang mga basyo sa bala ug 38 revolver nga pistola.natigayon ang maong insidente bandang alas 5 pasado sa buntag didto sa purok papaya brgy basag ning syudad sa butuan

Facebook Comments