Bacolod City – Gindakop sang mga operatives sang Criminal Investigation and Detection Group (CIDG) Negros Occidental ang gun runner suspect nga si Peter John Miro, 32 anyos, company driver sang Phil Pharma Wealth Inc., kag residente sang Sitio Pulakan, Brgy. Agtabo, Passi, Iloilo City, matapos ini ang mag tuyo nga mag baligya sang (1) unit Armscor 12 gauge shotgun sa Poseur Buyer nga pulis nga si PO3 Ali Palomo sa kantidad nga PHP 20,000.00.
Suno sa ila nga transaction, ang suspect ang magatabo sa kay PO3 Palomo (poseur buyer) sa 7-Eleven convenient store sa Bredco Port matapos ini ang magdungka, sakay sa RORO vessel nga naghalin naman sa Iloilo City Port.
Pasado na las 12 ang takna sang kaagahon sang mag dis-embark ang ginamaneho nga 10 wheeler truck sang suspek kag ini ang gilayon nga nagmeet-up sa kay PO3 Palomo.
Matapos nga madaho sang suspek ang shotgun sa pulis kag mabaton man sini ang marked money, gilayon naman nga ini ang gindakop sang mga naka standby nga tropa sang CIDG.
Suno pa sa otoridad, ang suspek ang masami naga biyahe sa mga isla sang Panay, Negros, kag Cebu.
Ini naman ang naga kuha sg armas sa iya mga contact sa Danao, Cebu, kag ini ang iya ginatago sa driver seat sang gina maneho nga truck para iga baligya sa mga prospective buyers sa Iloilo man ukon sa Negros.
Ang suspekang naga pabilin sa karon nga detained sa holding cell sg CIDG Regional Office 18, samtang kaso naman sa pag lapas sg RA 10591 ang natalana nga iga pasaka batok sa iya, sini nga adlaw.
