Iligan City, Philippines- Pabilin pang blangko si Marawi City Mayor Majul Gandamra kkun hangtud kanus-a matapos ang kagubot sa iyang lugar tali sa mga teroristang grupo ug kasundalohan. Kini tungod, niadtung nakalabay’ng gabii padayon paman gihapon ang pagsinukli-ay ug bala tali sa duha ka kampo. Butang kini nga hangtud karon nagpabilin nga pangutana alang kang Mayor Gandamra kun hangtud kanus-a kaha mahuman ang kagubot sa iyang lugar tungod nag-agad lamang usab siya sa deklarasyon sa mga sakop sa kasundalohan. Hinoon sumala ni Gandamra ug basi sa taho sa militar, pipila nalang matud pa sa miyembro sa teroristang grupo ang padayon nga nakigsinukli-ay ug balo ngadto kanila. Gipanghinaut nalang ni Gandamra ug pinaagi sa tabang ug ampo sa katawhan matapos ra gayud ang kagubot sa dakbayan sa Marawi.
