Davao City – Magpahigayon ang Davao City Police Office (DCPO) og dugang training program implementation kabahin sa gun safety and firearms handling aron malikayan ang nahitabo sa usa ka pulis nga naunay sa iyang pusil nga miresulta sa iyang kamatayon sulod sa presinto samtang nag-duty isip desk officer.
Sumala ni Capt. Rose Aguilar, DCPO Spokesperson, bisan og anaa na sila niini nga training matag quarter, ang gusto ni Col.Kirby Craft, DCPO City Director nga dugangan pa aron dili na masubli ang gidangatan ni P/SSgt.Renante Mercado human nabiktima sa accidental firing resulta sa iyang kamatayon.
Samtang giklaro ni Aguilar nga usa ka aksidente ang nahitabo kang Mercado sa dihang manihapun na unta siya sa dihang iyang gibutang ang pusil sa lamesa ug mibuto igo sa iyang ulo.
RadyoMaN Bernard Pantallon
