Roldan: Gun safety, emotional well-being kritikal

23

Davao City – Gisalikway na sa Department of Interior and Local Government (DILG-XI) Davao Region ang pagduda kalabot sa kamatayon sa sakop sa San Pedro Police Station nga si Police Staff Sergeant Renante Mercado.

Kini human gikumpirma sa Davao City Police Office nga accidental firing ang nahitabo sa kamatayon ni Mercado human wala tuyoa nga nibuto ang pistola niini samtang anaa kini sa desk sulod sa estasyon.


Gitohoan ni DILG-XI Regional Director Alex Director ang DCPO ug dili na buot niini nga magduda luyo sa iyang nadungog sa dili pa kumpirmadong istorya nga nagsuicide matud pa ang maong pulis.

Subay sa nasayran ni Roldan, posibleng problema sa pamilya ang hinungdan sa maong panghitabo apan ang maong kasayuran wala pa masuta sa imbestigasyon sa mga awtoridad.

Dugang ni Roldan, ang pag-edukar sa mga awtoridad labot sa gun safety and handling dili garantiya aron dili sila maigo ug ma-unay sa ilang gibitbit nga armas de fuego panahon magkarga sila og suliran sa kinabuhi.

Awhag ni Roldan nga i-prayoridad ang programa nga magpalig-on sa emosyon ug relasyon aron wala na’y pulis nga magkutlo sa kaugalingong kinabuhi.

RadyoMaN Joel Viray

Facebook Comments