General Santos City— Gireklamo ni Kagawad Rosalita Nuñez ang dalan sa may merkado publiko partikular na sa may Cagampang St. kung asa tricycle nalang matud pa ang makaagi gumikan napuno na ug mga nagapamaligya kilid sa dalan.
Atol sa regular session kaganiha, nagbahad kini nga kung dili mahatagan ug aksyon ang maong problema, magpasar siya ug resolusyon nga dili na tutugan pa nga makapaninda sa maong lugar gumikan nakahatag na matud pa kini ug perwisyo sa katawhan.
Pagpaklaro niya nga gikonsidera na kaniadsto nga sila maninda dihang dapita apan dili matud pa pasabot nga ilahang lukupon ang tibuok dalan gumikan ang riiding public ug pedestrians ang nanag-iya sa maong dalan ug dili lang ang mga naninda busa kinahanglan matud pa nga sila ang murespeto.
Iyaha man usab gipanawagan ang presensya sa tagdumala sa merkado publiko nga aksyon ang maong problema gumikan dili lang siya maoy nagareklamo sa maong sitwasyon.
Panghingusog niini nga seryoso ang maong reklamo ug makapilang higayon nga matud pang gipatawad sa hawanan sa konseho ang mga nagadumala sa palengke apan daw sa uro bakak ang gina-saad sa mga opisyal.
Mas maayo matud pa nga hatagan ug sulat ang city admisnitrator pinaagi ni Atty. Arnel Zapatos gumikan ilawom man kaniya ang merkado publiko gani gibutyag ni kagawad Nuñez nga gikapoy na siya ug pamniaw sa pabalik-balik nga rason sa nasangpit nga mga opisyal.
