Davao City – Mag-atubang og kasong murder ug theft, ang security guard nga si Abdul Rahimin Padas nga mipusil patay sa iyang kaubang guwardya nga si Jimboy Canumay, niadtong milabay’ng Martes, alas 2:15 sa kadlawon, Nobyembre 7, 2023 sa gibantayang subdivision sa Barangay Bago Gallera, Davao City.
Sa pakighinabi sa DXDC RMN Davao kang Police Major Romeo Mapanao Jr., ang hepe sa Baliok Police Station gisulti niya, gi-andam na ang mga dokumento og karong adlawa Nobyembre 9, 2023 ipasaka ang kaso batok sa suspect.
Segun ni Mapanao, at large pa ang suspetsado og nagpadayon ang hot pursuit operation sa mga awtoridad aron madakpan.
“Mao manay nigawas sa atong pagsusi kay nag selos ang suspect tungod kay ang iyang partner nga ginachat sa biktima maoy hinungdan nga nagkainit tali sa biktima”, sulti ni Mapanao.
Kahinumduman, abtik nga niikyas ang suspect human sa pagpusil sa biktima ug gidala ang duha ka 9mm Norinco pistol nga gipanag-iyahan sa Hackett Security Agency.
RadyoMaN Don Pulayao
Facebook Comments
