General Santos City–Nagpatabang sa Police Station 1 ang usa ka gwardya nga na-ilang si Mark Lester Masalon, 29 anyos, sekyu sa Gershom Car Trading ug nanimuyo sa Prk. 4, Barangay Tinagacan ning syudad human nga gibunalan matud pa kini ug gahi nga butang sa iyaha ra usab nga kaila nga si Jam-Jam.
Sumala pa sa nahisgutan nga samtang nagduty kini isip gwardya sa maong lugar mikalit matud pa UG abot ang suspect nga klarong naka-inom ug sa walay pag estorya gihapak kini kalit ug gahi nga butang sa iyahang ulo.
Naka-angkon ug samad sa ulo ang nahisgutan gumikan sa maong insidenti, gilayon usab nga mireport sa buhatan sa Police Station 1 ang biktima, gilayon man nga girespondihan sa kapulisan ang lugar apan wala na ang nasampitnga suspek.
Sa karon nagpaalim nalang sa iyang samad nga naangkon ang biktima, samtang ang kapulisan naghimo nag makuting imbistigasyon kalabutan niini.
