Kalibo, Aklan — Kulong makaron rong sangka gwardya matapos nga gina alegar nga pinaeopok it baril sa Brgy. Tigayon, Kalibo, Aklan.
Nakilaea ro nasambit nga gwardya kay Ernil Kurt Gagwis y Lagarto, 30-anyos, native it DueƱas, Iloilo ag presente nga naga istar sa Brgy. Mamhot Sur, Balasan, Iloilo, Security Guard it Dyna Arms Security Incorporated ag presente nga naka duty sa warehouse it Philippine Foremost Milling Corporation nga nahamtang sa Brgy. Tigayon.
Sa blotter report it Kalibo PNP nga kabii mga alas 10:15 nakabaton sanda it tawag halin kay SPO3 Ronald Macario nga may una nga asus-asud nga eopok it baril ro nabati-an ag insigida nga gin respondehan, gin verify ro nasambit nga resport ag sa andang pagbalik gin daea eon ro nasambit nga gwardya.
Sa pagpangusisa nasayuran nga hilong rong nasambit nga gwardya, nabuoe sa anang possession ag control ro sangka 1 unit it NORINCO/PISTOL/9MM nga naga rehistro sa anang agency, 1 magazine loaded it 6 ka cartridge cases it 9MM.
Na recover mat-a sa lugar it insidente ro 4 ka fired cartridges ukon basyo samtang rong baril hay gin turn over sa Provincial Crime Laboratory Office para sa ballistic examination and gun powder residue examination.
