General Santos City—Patay ang usa ka gwardya nga nailang si Mario Garado, 50, gwardya nga nakabase sa Purok Olarte,Barangay Labangal, Gensan human kining gipusil sa wala pa mailhing suspek alas 6:00 ang takna sa gabie sa entrada nga bahin sa Damayan, Purok Olarte sa samang Barangay.
Sa inisyal nga report sa Police Station 2, nasuta nga sakay ang biktima sa motorsiklo uban sa iyang Live-in partner ug apo pag abot sa lugar gibabagan sila sa duha ka mga tawong nakamotorsiklo dayon gipusil igo sa iyang ulo nga bahin nga hinungdan sa iyang kamatayon.
Paspas nga misibat ang duha ka mga suspek human sa pagpamusil sakay sa usa ka motorsiklo.
Sa karon ginasuta pa sa kapulisan ang motibo sa maong krimen.
Facebook Comments
