General Santos City—Samdan ang usa ka gwardya human kining gipusil sa riding in tandem niadtong Sabado sa Gabie.
Ang biktima nailhang si Rey Duco Gulipata, 36, gwardya ilawom sa Besida Security Agency ug nagtrabaho sa ECO Power Plant nga nahimutang sa Barangay West ug residenti sa Purok Uhaw, Barangay Fatima Gensan.
Subay sa inisyal nga imbistigasyon, kasay ang biktima sa motorsiklo nga gipanag-iyahan sa iyang kaubang gwardya pag abot sa may Aradasa St. Corner Rivera St. Barangay Lagao Gensan, siya gitaparan sa duha ka suspek nga sakay sa XRM nga motorsiklo.
Siya gipusil igo sa iyang abaga nga bahin, natumba nag motorsiklong gisakyan niini apan siya nakadagan pa sibat gikan sa kamot sa mga suspek.
Paspas usab nga mikagiw nag mga mamumuno padulong sa wala sayring lugar, samtang ang biktima gidala gilayon sa usa ka pribadong ospital dinhi sa dakbayan sa Gensan.
Sa karon padayon pa ang gihimong imbistigasyon sa Police Station 3 kalabutan sa insidenti ug ginasuta pa ang motibo sa krimen.
