General Santos City—sikop ang usa ka gwardya human nga nagpabuto ug armas sa may Purok Cabuay, Barangay Sinawal, Gensan. Suspek giilang si Bombit Aljas, 33, residenti sa Barangay Malandag, Malungon, Sarangani Province.
Sa inisyal nga imbistigasyon sa Police Station 2, nasuta nga dunay mireklamo sa mga opisyal sa Barangay Sinawal human matud pa dunay nagpabuto ug pusil sa maong lugar. Gidala gilayon ang suspek sa Barangay aron imbistigahan human sya maoy gitudlong nagpabuto. Gilayon usab kining giturn over ngadto sa Police Station 2 diin nakuha sa posisyon sa gwardya ang 12 guage nga shotgun.
Depensa ni Bombit nga ayha siya gisikop, sila naglingaw-lingaw sa lugar tungod adunay okasyon. Tungod mga hubog dunay kumusyon nga nahitabo sa lugar diin siya biktima sa pagpangulata.
Apan iyang gihingusgan nga siya dili maoy nagpabuto inay ang iyang kaubanan nga gwardya. Siya lang ang gidakop human nga sa iyang posisyon nakuha ang shotgun.
