General Santos City—Patay ang usa ka Oliver Baron, 28 anyos, Gwardya nga taga Klinan 5, Polomolok South Cotabato, human kining napusilan atol sa natigayong kumusyon sa usa ka luna nga nahimutang sa purok Cabuay, Barangay Sinawal, Gensan niadotng nakalabayng adlaw.
Sa inisyal nga imbistigasyon sa Police TSation 2 nasuta nga nakadawat sila ug report nga matud pa dunay kumusyon nga nahitabo sa lugar maong girespondihan gilayon sa kapulisan.
Didto nakit-an ang patayng lawas sa biktima nga nagbuy-od na sa lugar. sa pagimbistegar sa awtoridad sa lugar, gitudlo sa mga residenti ang upat ka mga suspek nga silang si Tonton Manisi, Alex Hano Awal, Axe Dumamba Ampatuan, ug Sydamin Hasak ang maoy responsabli sa pagpamusil sa biktima.
Nasayran nga nag ugat ang kumusyon sa lugar human nga nikural ang mga tawo sa claimants sa luna kung asa mipalag sumala pa ang mga squatter nga nagpuyo na sa lugar.
Gipaulanan matud pa ug bala ang mga nagkural nga maoy nakaigo ngadto sa biktima.
Sa karon ang upat ka mga suspek tingkagol na sa silda sa Police Station 2 human silang malampuson nga nadakpan sa kapulisan.
