General Santos City—Luwas na sa kuyaw nga kahimtang ang usa ka gwardya kansa napusilan sa usa ka sikad driver didto sa may Purok Sunrise, Barangay Fatima, Gensan.
Naila ang biktima nga si Garry Poras, 25, gwarda sa residenti sa Barangay Fatima ning syudad.
Nasayran nga ala 1:00 ang takna sa kabuntagon sa nakalabayng adlaw, nisakay sa usa ka sikad nga gimanihuan sa wala mailhing driver ang biktima ug nagpahatod ngadto sa ilang panimalay.
Sa wala pa sila nakaabot sa balay sa biktima nagbingkil ang mga nasangpit gumikan sa ilang sabot nga pamasahe.
Didto na nahitabo ang pagpamusil diin ang biktima napusilan sa iyang tuo nga bahin sa tiil.
Paspas usab nga misibat ang suspek sa wala sayring lugar samtang ang biktima gidala sa iyang mga silingan sa ospital. Sa karon nagpadayon pa ang gihimong imbistigasyon kalabutan sa insidenti.
